يوميات البنت العراقيه .. لا تفوتكم

مساء الخير
شلونكم شخباركم
يارب بخير

يوميات البنت العراقية

تكَعد الساعة2الظهر مو على صوت منبه ... لا ... لأن المنبه اص...لاً خلصانة باترياتة من زمااان و صاير مزهرية و احتمال امسوية فتحة بي و حاطة بي ورد اكو منبه اضبط اللي هوة صوت ماما

(ولج كومي اشتغلي ... ولج كومي اشتغلي ... ولج كومي اشتغلي ... ولج كومي اشتغلي ... ولج كومي اشتغلي.........42 مرة )

وراها تبدي نصف ساعة حرة تتضمن... اهم مواضيع الساعة عالميا (تثائب,,,,, تذكر الحلم,,,,,شراح البس اليوم من اروح لسهام العبيدي؟؟؟ الحمرة خلصت(امي تقبل اخذ شوية من معجون الطماطة )
؟؟ اذا الكحل خلص عدنا فحم؟؟وترجع تنام!!!!!!!!!!

اتظل تمارين ايروبكس الصباحية بس مو رياضة و انما اتجر المخدة و اتخليها فوك راسها و وراها ترجع اتخلي المخدة جوة راسها و وراها ترجع اتخليها فوك راسها (112 مرة)
كولو كامت ( كككلللللللووووووووييييشششششششش)

اول شي تتوجه للحمام حتى اتغسل وجها,,,,, امها بالمطبخ ما تسمع الا عيطة( 6 درجات بمقياس ريختر) صادرة من جهة الحمام رأسا اتذب الجفجير و ب 3 كمزات هي بالحمام

تريد اتشوف بنتها اشصار بيها شنو انتلت بالواير؟؟؟؟ ابراهامز صعدت عليها؟؟؟؟؟؟؟( ادري ابراهامز اشجابها بالحمام اللي اعرفة بغرفة الخطار,,,المهم)

تكتشف الام انه سبب العياط جان ابو بريص عال حايط يم المغسلة الأم راح تتعصب و تكللها وج ادري هسة هو أبو بريص أي ادري شطالعلج؟؟رابح صقر؟؟؟
وتعوفها و ترجع للمطبخ اتدور على الجفجير وين صفه بيه الدهر .... تبدي البنوتة الشغل,,,,,, تلزم المكناسة الكهربائية( اذا أكو وطني اذا ماكو ترجع اتنام ) و تكنس الزولية كل اللي اتسوي انه اتشيل 4 حبابي تمن و الشكر اذا واكع ما اتعب نفسها و اتشيله(كلبها جبير راح اتعوفة للنمل)

و ترجع اتطفي المكناسة و اتكول لامها المكناسة انترست بعد ماكو مجال ما اكدر اكنس ,,, امها راح اتكلها تعاي لعد كشري البتيتة حتة اسوي فنكر اني اكليها ادري بيج ما اتدبريها بس تعاي كشري ,,,
تاخذ 3 بتيتا صغار بصينية جبيرة مال قوزي ( شنو هالزحمة؟؟؟) و سجينة ام المتر و تبدي تذبح العفو اتكشر البتيتة ورة ربع ساعة راح تكتشف انه كل الكشور اللي اموخرتها وياها تقريبا نص البتيتة لازكة بيها راح تاخذ 5 بتيتايات لخ بحيث من 5 كيلوات راح يصفة ماعون بي 15 قطعة فنكر

وراها فترة استراحة 5 ساعات (مع انه الشغل كله جان ثلث ساعة) تكعد عال ستلايت تبدي اتكلب بالقنوات اغانينا قيثارة روتانا كليب ميوزك مزيكا ميلودي عربي واجنبي وتونس وزووم..... و اتظل نفس السلسلة ساعة بحيث شكو مغني بالقنوات هاي معدتة تكلب و جرررررب هنا و طفت الكهرباء

تلزم الارضي تخابر صديقتها كولو حصلت الرقم تعالو شوفو شلون يحجون:
هلوووووووووووو شلوووووووووووووووونج؟ من ساعة 1:00 الى ساعة 2:00
اخبااااااااااااااااارج؟شووووووووووووننج حياتي؟؟؟؟؟؟؟؟؟؟؟
مشتاقتلج هلو بيج اني اكثر انتي شلوووووووووووووونج؟؟؟؟؟؟؟؟
مشتاااقتلج موت !!!! اخبارججججج؟؟؟ اموووووورج؟
ههههههههههههههههههههه(على شنو تضحك؟؟؟ ما اعرف) ( من ساعة 2:00 الى ساعة 3:00)

شفتي سامو زين ذاك اليوم؟ ولج عزززة ايخبل ايخبل لا لا تامر مو حلو (من 3:00 الى نهاية المخابرة) صاير طالعتلة بطباطة بـخشمة اي اي
يا حفلة؟ جذذذذذذذذب!!!!!!!! مال اليسا ؟ لا ما شفتها لااااااا عفيييييييييييييية
شوكت طلعت؟؟؟؟؟؟ لااااا حرامااااااااات جنت دا اغسل شون حظ
يللا بلكي ايطلعوها مرة لخخ اكلج,,, عندج نغمة مال هيثم حلو حبك؟؟ صدك؟؟

عفية عود انطينياها حبااااااااااااااابة ,,,هههههههههههههههههههههههههههههه
ههههههههههههههههه( على شنو الضحك والله ما ادري هسة قابل خطي مشترك
وياهم؟

) شكد خبيثة,,,ايي اييي اني هم يللا لعد اشوفج عالنت باي
طبعا البنات كلش يحبن الماوس مال حاسبة و يفيكون من يشتروه ابو المي ابو المدري شنو اكو ماوس احمر اصغير ؟

المهم تكعد تلزم الانترنت لل2بالليل تصفط عالولد خطية والولد يصدكون
واخيرا ً تنام وتعيش اليوم الثاني مثل اليوم اللي قبله


مــنـــقول
ولتزعلن بنات للمزاح والترفيه
خلو روحكم رياضيه

تحياتي سوسو